Констанцадағы тоғызқұмалақ сайысында батысқазақстандықтар топ жарды

Румынияның Констанца қаласында тоғызқұмалақтан халықаралық дода ұйымдастырылды. Зияткерлік ойынының беделді бәсекесіне Қазақстан, Румыния, Түркия, Германия, Италия, Болгария және Венгрия мемлекеттерінің таңдаулы спортшылары қатысып, үздіктерді анықтады.

Аталған жарыста ел намысын қорғаған батысқазақстандық спортшылар жоғары нәтижеге қол жеткізді. Қорытындысында жерлестеріміз 2 алтын, 2 күміс жүлдені қанжығалап, жалпыкомандалық есепте бірінші орынға тұрақтады.

Ерлер арасындағы сынға қатысқан Әбдрахман Текебай алтыннан алқа тақса, Ерниязова Ализа күміс медаль еншіледі. Ал әйелдер бәсекесінде Қарақат Сәлімғали қарсыластарына дес бермей алтын жүлде жеңіп алды. Сондай-ақ Айым Қонасова күміс медальді қоржынға салды.

Ұлттық ойынымызды халықаралық аренада танытып, ел мерейін асырған спортшылардың бұл жеңісі – қазақстандық тоғызқұмалақ мектебінің қарымды қадамының айқын дәлелі

Дереккөз: БҚО тоғызқұмалақ федерациясы