6 әлем чемпионы қатысатын Қазақстан біріншілігі несімен қызық болады

Бүгін Семей қаласында бокстан Қазақстан чемпионаты басталды. Жарыс жаңа ереже бойынша өтеді. Биылғы жарыстағы бәсекелестік те жоғары болады. Қандай ерекшеліктер бар? Жүлделер World Boxing ұйымының бекіткен салмақтарда сарапқа салынады (2024 жыл — 13 салмақ, 2025 жыл — 10 салмақ) Семей төірндегі ел біріншілігінде 6 бірдей әлем чемпионы бақ сынайды. Оның екеуі ересектер арасындағы жаһан жеңімпазы боса, төртеуі жастар арасындағы әлем чемпионы атанған боксшы. Атап айтсақ Теміртас Жүсіпов (50 келі), Сәкен Бибосынов (55 келі), Бексұлтан Боранбек (55 келі), Сабыржан Аққалықов (75 келі), Санжар-Али Бегалиев (80 келі) және Өнер Сейілхан (85 келі). Кей танымал боксшылар жаңа салмаққа көтерілді. Мұхаммедсабыр Базарбайұлы (70 келі), Диас Молжігітов (80 келі), Нұрқанат Райыс (80 келі), Токио Олимпиадасының қатысушысы, ӘЧ күміс жүлдегері Әбілхан Аманқұл (85 келі), Өнер Сейілхан (85 келі). Өкінішке қарай, түрлі себептермен әлем чемпиондары Асланбек Шымбергенов, Нұрбек Оралбай, Бекзад Нұрдәулетов қатыспайды. Десе бұл Қазақстан чемпионаты биылғы шешуші жарыс емес. Өйткені жыл соңына дейін Үндістанда Әлем Кубогының финалдық кезеңі және БАӘ-де ерлер арасындағы әлем чемпионаты ұйымдастырылады.

. 50 келі. 24 боксшы Нақты фаворитті айту қиын. Фавориттердің қатарына 8 дүркін Қазақстан чемпионы, 37 жастағы Теміртас Жүсіпов, Даниал Сәбит, Дамир Әбдіқадыр, Ернұр Қайрат  сынды Қазақстан чемпиондары бар. Одан бөлек, Нұрзат Оңғаров, жастар арасында әлем чемпионатының қола жүлдегері Диас Берікбай, 22 жасқа дейінгі Азия чемпионы Тілеуберді Сүлеймени бар. Бұл салмақтың 1/16 финалында Ернұр Қайрат (Алматы қ.)Ернар Қарап (Абай обл) 1/8 финал. Дамир Әбдіқадыр (Әскерилер арасында әлем чемпионы)Нұрзат Оңғаров (Жамбыл обл) және 1/2 финал Даниал Сәбит (БҚО)Теміртас Жүсіпов (Ақмола обл) кездесуі мүмкін.

55 келі. 33 боксшы Бір қарағанда финалда Нұрсұлтан Алтынбек пен Сәкен Бибосынов жұдырықтасатындай әсер қалдырады. Алайда Кенже Мұратұлы, Бексұлтан Боранбек, Тимур Қабдешов те жүлдеге таласып көреді.

Мүмкін болар қызықты жекпе-жектер қатарына 1/2 финалда Тимур Қабдешов (Ақмола обл) Сәкен Бибосынов (Түркістан обл) 1/2 финал Нұрсұлтан Алтынбек (Қызылорда обл)Бексұлтан Боранбек (Жамбыл обл) қолғап түйістіреді-ау деген болжам бар.

60 келі. 34 боксшы Бұл салмақтң да нақты фавориті кім екені белгісіз Әлем чемпионатының күміс жүлдегері Серік Теміржанов, Бейбарыс Жексен, 2 дүркін 22 жасқа дейінгі Азия чемпионы Нұрислам Қалдыбаев, Асылжан Серікбай, Оразбек Асылқұлов, Дәулет Молдашев, Ерболат Сабыр, Руслан Күзеубаев Шыңғыс Мусинов, Алексей Хаванцев сынды мықтылар бар. 1/8 финал Талғат Сырымбетов (Қарағанды обл)Ерболат Сабыр (Павлодар обл) 1/4 финал Бейбарыс Жексен (Жамбыл обл)Асылжан Серікбай (Шымкент қ) 1/4 финал Оразбек Асылқұлов (Ақмола обл) Нұрислам Қалдыбаев (2 дүркін 22 жасқа дейінгі Азия чемпионы) кім мықтыны анықтайды деген болжамды айтады мамандар.

65 келі. 39 боксшы Финалда Ертуған Зейнуллинов пен Санатәлі Төлтаев жолығып қалуы ықтимал. Тәжірибелі Жандос Қыдыралиев пен Илья Калинин, Бақтияр Анарбаев, Алмат Әбдуәліні де естен шаығаруға болмайды. Осы салмақтағы мүмкін болар қызықты жекпе-жектер: 1/4 финалда басталады. Ол сында  Жандос Қыдыралиев (Алматы қ) Илья Калинин (Жамбыл обл) 1/4 финал Алмат Әбдуәлі (Алматы қ) Бақтияр Анарбаев (Түркістан обл) өзара мықтыны анықтауы керек.

70 келі. 25 боксшы Әзірше Абылайхан Жүсіповке тең келер қарсылас көрінбейді. Жүлдеге үмітті спортшылардың тізімінде Фарух Тоқтасынов, Мұхаммедсабыр Базарбайұлы, Нұрбек Мурсал, Дархан Дүйсебай, Нұржан Амангелді, Елнұр Сүйінбай бар. Мүмкін болар қызықты жекпе-жектер қатарына  1/4 финал Нұржан Амангелді (Жетісу обл) Мұхаммедсабыр Базарбайұлы (Түркістан обл) 1/4 финал Фарух Тоқтасынов (Алматы қ)Елнұр Сүйінбай (Жамбыл обл) арасындағы кездесулерді жатқызуға болады.

75 келі. 22 боксшы Басты фаворит — Сабыржан Аққалықов. Мүмкін болар қызықты жекпе-жектер: 1/2 финал Сабыржан Аққалықов (Қарағанды обл)Аман Қонысбеков (Түркістан обл) 1/2 финал Талғат Шайкен (Ақмола обл)Тимур Нұрсейітов (Астана қ)

80 келі. 18 боксшы Былтырғы чемпион Азамат Бектасқа өз атағын қорғау қиынға соқпақ. Жарыс қожайыны Ерасыл Жақпеков, жастар арасында әлем чемпионы Санжар-Али Бегалиев, Диас Молжігітов, Нұрқанат Райыс, Бақберген Әлиасқаров, Михаил Коханчик чемпиондықты өзара сарапқа салады.

 Мүмкін болар қызықты жекпе-жек санатына: 1/4 финал Санжар-Али Бегалиев (жастар арасында әлем чемпионы)Нұрқанат Райыс (Маңғыстау обл) 1/4 финал Бақберген Әлиасқаров (22 жасқа дейінгі Азия чемпионы) Азамат Бектас (Қызылорда обл) арасындағы кездесулерді кіргізсе де болады.

85 келі. 19 боксшы Әлем Кубогы кезеңінің чемпионы Дәулет Төлемісовтен көпшілік үміт күтеді. Осы салмақтың басты сауалы біраз үзілістен кейін оралған Әбілхан Аманқұл өзін көрсете ала ма деген сұрақү Жастар арасында әлем чемпионы Өнер Сейілхан мен 92 келіден төмендеген Бекнұр Батырбек жүлдеге араласа ала ма? Мүмкін болар қызықты жекпе-жектер қатарында: 1/2 финал Өнер Сейілхан (жастар арасында әлем чемпионы) Әбілхан Аманқұл (Әлем чемпионатының күміс жүлдегері) Финал Дәулет Төлемісов (Ақтөбе обл)Әбілхан Аманқұл (Әлем чемпионатының күміс жүлдегері). Әрине барлығын ринг көрсетеді мүмкін батысқазақстан Өнер Сейілхан финалға шығып қалар? Қалай болған да бәсекелестік қызық болғалы тұр.

90 келі. 11 боксшы Сағындық Тоғамбай мен Темірлан Мұқатаев финалда жолығып, осы салмақтың қожайынын анықтауы әбден ықтимал.

+90 келі. 15 боксшы Ағайынды Нұрлан және Даниал Сапарбай қайтадан финалға дейін жете ала ма?