Месси Аргентина құрамасынан кетті ме?

Аргентина құрамасының капитаны Лионель Месси 2026 жылғы әлем чемпионатына іріктеу кезеңінің 17-туры аясында Венесуэла құрамасына қарсы өткен матчтан кейін (3:0) ұлттық құрамадағы мансабын аяқтау жөнінде тараған ақпаратқа түсініктеме берді.
“Championat.com” сайтында шыққан ақпаратқа сенсек, Лео құрамадағы мансабын аяқтау жөнінде әлі шешім қабылдамаған.
Месси TyC Sports-қа берген сұхбатында: «Менде ойнауға деген зор ынта жеңе беруге деген тағатсыздық бар. Қадам сайын алға жүрем. Мен әлі шешім қабылдаған жоқпын!» – деген.
Еске салайық, 38 жастағы Лионель Месси өткен аптада Буэнос-Айресте Венесуэлаға қарсы өтетін матч өзінің әлем чемпионатына іріктеу аясындағы соңғы үйдегі ойыны болатынын растаған болатын.
Аргентина құрамасы 2026 жылғы әлем чемпионатына Оңтүстік Америка іріктеу кезеңінің қорытындысы бойынша бірінші орынды қамтамасыз етті.

ФОТО: Getty images