32 жыл күттірген жүлде

32 жылдан кейін садақ атудан отандастарымыз әлем чемпионатының жүлдесін иеленді

Садақ атудан Оңтүстік Кореяның Кванджу қаласында өтіп жатқан әлем чемпионатында құрама спортшылары ел қоржынына жүлде салды.

Компаунд бағдарламасында сынға түскен Адель Жексенбинова, Виктория Лян және Роксана Юнусова үштігі жаһан додасының қола жүлдесі үшін өткен таласта Ұлыбританияны 232:228 есебімен жеңді.

Бұған дейін ел спортшылары әлемдік жарыста 1993 жылы жүлде алған. Сол жылы классикалық садақ атуда әйелдер сайысында өнер көрсеткен Яна Туниянц қола жүлдегер атанған.

Спортшыларымызды әлемдік додағы жүлдесімен құттықтаймыз

Фото: World archery
Дерекөз: Спортты дамыту дерекциясы