Қазақстандық пилоттардың жеңісі Испанияда жалғаса ма?

Өткен демалыс күндері Германиядағы Нюрбургринг трассасында өткен «Lamborghini Super Trofeo Europe» жарыс сериясының төртінші кезеңі өтті. Трассада тамаша нәтижелер көрсетіп, үйлесімді жұмыс істеген «Artline Kazakhstan» командасы жүлдеге ілікті.

Жарыстың бірінші күні өткен квалификациялық кезеңде Шота Абхазава өз санатында үшінші орынды иеленіп, жоғары жылдамдығы мен трассадағы сенімділігін көрсетті. Жарысты белсенді бастаған Шота мықты қарқын көрсетіп, команда үшін маңызды басымдық қалыптастырды.Артынша Егор Оруджевте квалификацияда жақсы нәтиже көрсетіп, жарыстағы жоғары орындар үшін табандылықпен күресті. Уақытында орындалған пит-стоптың және үйлесімді командалық жұмыстың нәтижесінде «Artline Kazakhstan ұжымы өз класында екінші орынға көтерілді. 

Екінші күні Егор Оруджев поул-позициядан жарысты бастап, қатты бәсекелестік жағдайында тұрақты қарқын ұстады. Пилоттар ауысқаннан кейін Шота Абхазава трассаға шығып, жарыстың екінші бөлігін жинақы әрі сенімді өткізіп, кәсіби шеберлігін көрсете алды. Нәтижесінде команда тағы да екінші орынды иеленіп, кезеңдегі жетістігін нықтады.

Кезең қорытындысында екі күміс жүлде. Бұл екі пилот пен команданың сенімді әрі тұрақты жұмыс нәтижесі. Қос жеңіспен құттықтап, барлық жанкүйерлерге қолдау көрсеткені үшін алғыс айтамыз!

Маусымның келесі бесінші кезеңі 10–12 қазан аралығында Испаниядағы Барселона–Каталония автодромында өтеді. Алға, бірге жеңіске!

Суреттер: Artline Kazakhstan» командасының инстаграм парақшасынан