Нұрсұлтан Нұриденов халықаралық турнир жүлдегері атанды

Алматы қаласында Кеңес Одағының Батыры, Халық қаһарманы Сағадат Нұрмағамбетовті еске алуға арналған бокстан халықаралық турнир өтті. Байрақты бәсекеде ел намысын қорғаған оралдық былғары қолғап шебері Нұрсұлтан Нүриденов 50 келі салмақ дәрежесінде күміс жүлдеге ие болды.

Нұрсұлтан жарыс жолында Түркістан облысының өкілі Нұрғиса Тұрарбеков пен тәжікстандық боксшы Дильшод Абдуллоевты айқын басымдықпен жеңіп, финалға жолдама алды.

Ал шешуші кездесуде Абай облысының боксшысы Ернар Қарапқа есе жіберіп, турнирдің күміс жүлдесін қанағат тұтты.